為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 06 月 13 日

「曹總」 一人霸兩位

無綫處境劇《愛•回家》炮製咗唔少經典角色,當中「曹總」一角,令人印象深刻。劇中,「曹總」係一個內地土豪,財大氣粗,廣東話唔鹹唔淡;雖然屬於大配角,但係網民勁like,仲追捧佢做「男神」添!而「曹總」角色,仲長做長有,延續至今輯《愛•回家之開心速遞》,認真係人氣不減。

其實,飾演「曹總」嘅演員叫劉一飛,佢係一位國語配音員,八九年加入無綫之後兼顧拍劇。早前,東姑喺前往將軍澳嘅一架巴士上偶遇佢,當然係一眼就認得出。雖然佢冇戴「曹總」招牌黑超,但係都戴住一副茶色眼鏡。當日,佢着住T恤拖住篋,反而有啲「自由行」水貨客feel。見佢冇晒「曹總」霸氣不凸止,全程車仲一味頭耷耷。唔知係咪因為一個人霸咗兩個位,拖篋放埋喺隔籬位地下,所以唔好意思,一直唔敢直視其他乘客,實行扮「你睇我唔到」!

喺無綫處境劇《愛•回家》裏面,「曹總」角色非常突出,坊間有網民仲捧佢做「男神」。

 

「曹總」搭巴士入將軍澳,相信係返電視城開工,佢拖住個篋霸住隔籬位,冇土豪feel,但就好水貨客feel。