為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 05 月 17 日

Jessica C.好姊妹「陪孕」

有「警鐘胸」之稱嘅名模Jessica C.(JC),去年底宣布佗有第二胎,o依家懷孕七個幾月,暫未透露BB嘅性別。不過,佢同老公安志杰嘅感情超sweet,已有大女Tessa,就算第二胎生仔定生女,相信佢哋都冇所謂,一樣係咁錫!

早前,東姑喺中環嘅ifc發現JC芳蹤,同行唔見安志杰,而係同佢一樣粗身大細嘅混血名模Ana R.。兩個大肚婆結伴行街,邊行邊傾到雞啄唔斷,唔知係咪互相交流佗B心得。講起上嚟,佢哋生B就好似夾過咁天衣無縫,JC大女Tessa今年兩歲,而Ana R.一樣有個兩歲嘅囡囡Maya;就連大家o依家佗住第二胎,都咁啱差唔多時間預產期,認真係姊妹情深,生B都約埋有個伴。

當日,見JC同Ana R.雖然「大肚臨登」,但係兩個都步履輕盈,一齊行咗入一間眼鏡店揀眼鏡,Ana R.仲試戴咗幾副,等JC幫下眼選購。睇嚟佢哋呢兩姊妹,你陪下我、我陪下你,乜都勁啱key,認真難得!

JC同Ana R.兩個名模姊妹花,好似約埋一齊同期佗B咁,仲要都係第二胎兼懷孕七個幾月;不過,Ana R.個肚明顯又大又凸過JC好多囉。

 

兩個大肚婆都有個兩歲大嘅囡囡,又一齊佗B,難怪特別啱傾,邊行仲邊互相挨下膊頭,認真好感情。

 

 

 

Ana R.試戴咗幾副唔同款嘅眼鏡,而JC就好細心咁幫眼畀意見,兩個連shopping都勁啱key。

 

JC同Ana R.各自都有個囡囡兩歲多啲,兩個名模媽咪可以成日傾湊女經。