為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 老總手記 2018 年 03 月 13 日

關慧玲

《東周刊》社長兼總編輯。

蒙德揚好介紹

一年一度的信興春茗,集團主席兼行政總裁蒙德揚和信興電器貿易董事蒙倩兒均有到場(下圖)。每年春茗都有機會吃到正宗蒙氏咖哩,呢道名菜外面無得賣,只有信興中人有得歎,係信興始創人蒙民偉嘅家族秘方。

記得蒙民偉在世時,不時以咖哩宴客,呢道菜係佢早年在日本做生意時,一個印度朋友所教,佢就改良成合自己喜好、甜味多一點嘅「蒙氏咖哩」,秘訣係加入蘋果。佢話呢道菜每每令佢諗起年輕時周圍跑做生意時嘅甜酸苦辣,係一個人生印記。佢仲會同仔女一齊煮咖哩,所以企業接班人蒙氏兄妹對呢道家族菜都好有印象。

今次食落似乎又改良了一點,辣味減了些,咖哩牛以外更特設一道咖哩蘑菇,方便吃素的嘉賓。不少嘴饞者問點解蒙氏咖哩總係最後上嘅一道菜,因為食完其他往往都很飽了,吃不了太多,可唔可以第一道菜就上呢?蒙生就笑話:「驚你哋個個食完走晒嘛。」

除咗品嚐馳名「蒙氏咖喱」,亦親身試吓信興代理嘅最新電器。蒙德揚特別介紹一個無線便攜式流動擴音器,仲親自示範話「去到邊都聽到你講嘢」;另一個吸睛產品係廚餘處理器,係一個安裝在廚房洗碗盆下嘅細小機器,除了大件豬骨,幾乎所有吃剩菜餚、果皮、雞骨等,都可以就咁掃落洗碗盆去水位,之後開水喉同時按動機器開關,所有廚餘一秒之間被攪爛成粉末,隨水沖走。「沖出大海更易分解,可減除垃圾臭味,又環保。」蒙生落力解說,話外國唔少家庭都有呢個裝置,堆填區會少好多垃圾。信興由賣電飯煲起家,現場又點少得最新款嘅多功能煲,除了煲出一碗碗靚飯,仲可以整佛跳牆。

今年係信興集團六十五周年,又係Panasonic 一百周年,蒙德揚不忘宣布好消息,佢哋投到機場三跑行李輸送系統工程,係集團重大突破。由賣電飯煲到行李輪送系統工程,信興這個品牌,已然走上新發展的道路。