為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 03 月 12 日

陳柏宇隱世高手

〇六年出道嘅陳柏宇(Jason),唱歌實力不容置疑;不過,無論歌曲同埋人氣,多年來都被樂迷忽視,所以有網民封佢做「樂壇隱世高手」。去年尾,佢喺商台叱吒樂壇頒獎禮,就奪得「男歌手銀獎」同埋「我最喜愛男歌手獎」,成功打破宿命,從此不再「隱世」喇!

早前,東姑喺廣播道電台門外遇見Jason,發現佢皺晒眉頭、狀甚惆悵咁企喺度講電話,似係有幾大嘅麻煩嘢,搞到頭都痕。後來,見佢三步夾埋兩步,快步跑去自己保母車度,拎咗啲救車嘅電池同工具,走埋去另一架歌手嘅保母車度,睇嚟係幫相熟嘅司機大佬拖,解救人哋架「死火」車。勢估唔到,Jason仲連整車都識,果然係「隱世高手」,真人不露相喇!

Jason企喺商台門口,一臉煩惱咁講電話,原來係有歌手嘅保母車「跪低」,相熟嘅司機打電話向佢求救。

 

佢走埋自己架保母車度,攞齊電池同埋「架生」,幫拖救車。

 

有「樂壇隱世高手」之稱嘅Jason,勢估唔到仲係整車嘅隱世高手。