為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2018 年 01 月 13 日

李嘉誠周年晚宴 同記者妙問妙答

八十九歲的長和系主席李嘉誠上周四出席集團周年晚宴,與記者妙問妙答。最近的高鐵「一地兩檢」引起唔少爭議,在場記者問佢睇法,佢就來個四両撥千斤,婉拒說:「咁多人講,少我一個唔少。」

再被追問退休安排時,佢透露適當時候一定會公布,續說日後基金會會交棒畀長子李澤鉅擔任主席,幼子李澤楷就做副主席。咁佢點睇李澤鉅的表現,「做爸爸永遠無一百分,但係都有九十幾分。」佢笑說。

誠哥白手興家,由塑膠廠開始,一步步躍身為超級富豪。回首過去,誠哥話最難忘當年在不足一千呎嘅塑膠廠連夜趕工趕貨,「嗰時地緣政治對我係一場戰爭,每日深深體會窮日子不易過,窮生意更難過嘅意思。」雖然生活艱苦,但佢超捱得,每日高高興興做嘢,「日頭要渾身解數超越困難,每晚喺閣樓聽住隆隆機器運行聲先能入睡。」

佢又提到過去六十八年有幸跟同事一齊爭取成績係一種福份,「包括我嘅囝Victor(李澤鉅),佢都喺集團服務咗三十三年。」呢番話明顯係對長子一種肯定。

八十九歲的長和系主席李嘉誠,上周四精神抖擻出席集團周年晚宴,妙語連珠回應記者提問。