為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2017 年 11 月 15 日

趙哲妤希望生多一個

舊年九月,趙哲妤(Uny)宣佈未婚懷孕,年底仲喺大馬生咗囡囡,跟媽咪姓,叫趙真羽,乳名「小魚」。有女萬事足嘅Uny,o依家一心只係諗住點樣好好照顧個女,感情嘅事,就順其自然。

日前,Uny就同一班靚女慶祝佢嘅三十歲生日。當晚,大魚大肉,既歎鮑魚又食海虎翅,佢同東姑講今年生日特別唔同,因為最大嘅禮物,就係小魚。佢好感性咁講,見到小魚每日嘅成長,既得意又可愛,已經心滿意足;而佢自己嘅生日願望,當然就係囡囡生生性性、快高長大,將來要搵到個好歸宿,要幸福!Uny同東姑開心分享:「小魚真係好得意,見到佢每一日嘅長大,就係我最大嘅樂趣,o依家搵錢,我一心都只係為咗養大佢。至於感情方面,我唔強求,當然搵到就最好,可以再生多一個,因為我真係好鍾意小朋友,呢個可以算係我嘅生日願望之一。」

Uny同愛情小說作家深雪老友鬼鬼, 生日梗係要有呢位好姊妹助陣喇!

 

為好好慶祝三十歲生日,Uny以靚紅酒同溏心鮑魚招呼好姊妹。

 

雖然阿女生父至今仍然對佢兩母女不聞不問,但Uny決心不求人,獨力養大囡囡。