為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2017 年 10 月 13 日

鄭欣宜唔刻薄下屬

鄭欣宜真係大個女喇,除咗話開舖頭賣曲奇餅之外,最近仲自組埋公司,做自己嘅音樂,用自己嘅班底,真正「升呢」做老闆娘。

早前,東姑就見欣宜忙住出動,去到廣播道兩大電台派歌做宣傳,一日之內走足幾個電台節目嘅訪問,都相當頻撲吓。東姑見佢喺中間空檔時間,就同埋助手、工作人員,去咗港台嘅canteen坐低開餐。不過,唔知點解,一向話唔刻意減肥,要做番自己嘅佢,喺canteen只係齋坐,唔飲又唔食,懷疑佢偶爾都會節制吓飲食。

不過,難得呢個新手老闆,自己需要忍口,都唔會刻薄啲下屬陪佢捱餓;反而,唔介意陪坐望住人哋食,絕對跟得過!

欣宜(中)最近自組公司,出自己嘅唱片,嗰日就見佢呢個新手老闆,忙住去各大電台派歌做宣傳。

 

欣宜唔知係咪節制飲食,望住人哋開餐個樣,流晒口水,又扁晒嘴。