為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2017 年 10 月 13 日

高鐵政府議案旨在攞「民意授權」

政府預告本月底,主動就高鐵「一地兩檢」提出無約束力嘅議案。DQ案後,民主派議席大減,該議案幾乎篤定可以通過,但由於議案係無約束力,所以無實際影響,咁點解政府要「多此一舉」提出該議案?

政壇高人拆局話,政府想透過今次議案獲通過,變相得到「民意授權」。佢指出,o依家距離人大常委會十二月審議「一地兩檢」合作協議只剩兩個月,期間特區政府要同內地部門草擬協議,至少要一個月時間籌備,換言之政府最遲要喺下月初得到立法會「民意授權」,先可以名正言順同內地傾。但如果呢個議案係有約束力,相信一定好難短期內闖關成功。

其實政府提出議案呢招,當局以前都用過,目的係為爭議事項造勢。好似○二年,時任特首董建華推行高官問責制,當年就提出相關嘅政府議案,最後獲通過,翌日唔少報章大字標題話議案大比數通過。

為爭取高鐵明年順利通車,政府最近大打「民意戰」,上周搞高鐵車廂開放日,並將會提出無約束力嘅議案,為高鐵造勢。