為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2017 年 09 月 13 日

小麗追魂CALL抓錢上訴 有人拒聽電話

被DQ嘅立法會議員梁國雄(長毛)及劉小麗本周一提出上訴,兩人分別申請到法援及泛民揼水一百六十萬元打官司,唔係使自己錢當然樂意上訴到底。不過捐錢畀小麗嘅泛民議員都唔係咁順攤,據悉小麗多次打電話畀民主派議員籌錢,有人特登唔聽佢電話,直至泛民大隊通過四大民主陣營各自捐四十萬後,呢班議員先死死地氣畀佢揼心口。

民主派之所以咁合作,其實都有私心,因為如果無人上訴,政府就好可能連同青政梁、游嘅議席,一次過進行補選,變相係「比例代表制」,對泛民選情好不利,議席隨時落入建制派手,所以泛民至無奈要「齊心」幫小麗。

至於姚松炎就放棄上訴,有傳佢唔想嘥時間打官司,希望盡快參加補選,「佢議席被DQ,唔等於參選資格都被DQ埋,佢有意參加補選爭番個位。」至於佢係咪選番功能界別,抑還是玩直選,消息話今鋪要睇眾志周庭嘅決定。「眾志羅冠聰唔翻案,佢港島區補選有可能由周庭上陣,但周庭o依家仲十五十六。如果周庭唔選,就可能由姚松炎補上;但如果周選,姚就出戰功能組別。」

劉小麗(右)及長毛決定上訴,小麗更獲泛民夾錢,但消息指部分泛民起初唔願聽佢