為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2017 年 09 月 14 日

懶理涼薄大字報 蔡若蓮堅強療喪子傷

教育局副局長蔡若蓮嘅長子潘匡仁上周墮樓身亡,據悉事發當日,蔡正喺落馬洲關口視察跨境學童返學情況,突然收到噩耗,趕到醫院時已與兒子陰陽相隔,令佢極度傷心。

消息指,連日嚟教育局同事不時傳短訊畀蔡若蓮,慰問之餘亦想提供協助,但都畀蔡婉拒,「佢想大家畀個空間佢靜靜哋處理家事。」至於教大有人貼涼薄大字報,消息指蔡略有所聞,但唔嘥精神理會無謂嘅人與事。

蔡曾任福建中學校長,據悉現任署理校長都有傳短訊慰問,佢嘅回覆係:「有心!請你好好照顧好同學們。」有人讚蔡係堅強媽媽,但都有人擔心佢夾硬撐住,所以仍不時提出協助,希望佢感受到外界嘅關心。

五十歲嘅蔡若蓮育有兩子,廿五歲長子匡仁係別人眼中文武全才嘅「男神」,擅長運動及音樂,疑因一次運動受傷患抑鬱症。蔡若蓮兩個月前,接受傳媒訪問時說:「我愛教育也愛子女。」母子關係要好,每年暑假都會同兩名兒子去旅行,更一齊參加馬拉松比賽。佢認為,女性唔應該為家庭而完全放棄事業,但公務繁忙確實令佢少咗時間陪家人,佢說:「對家人的虧欠,在心裏說謝謝,退休後還。」

 

 

 

兒子出事當日,蔡若蓮喺關口視察跨境學童返學情況,得悉噩耗後,喺教育局同事陪同下到醫院。