為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 陸叔開CHAT 2017 年 09 月 13 日

陳永陸

生活是很個人化的態度,人稱「陸叔」的著名財經股評家、兼投資策略顧問,用輕鬆心態,與跨界別嘉賓及以時事專題,去打開財經及以外的話匣子。

身心健康 才是王道

二○一七年彭博全球健康指數(Bloomberg Global Health Index)排名榜,計入死亡率、預期壽命、血壓水平升高人數、血糖和膽固醇水平以及肥胖、酗酒及兒童營養不良患病率等指標,全球調查嘅163個國家當中,意大利、冰島、瑞士、新加坡、澳洲為世界前五大最健康國家,日本排第七位,南韓排第二十四位,以色列排名第九位、係中東地區最健康國家,拉丁美洲嘅智利排第二十九位,東歐嘅斯洛維尼亞排第二十七位。專家認為意大利國民之所以咁健康,應歸功於1978年政府建立嘅普及醫療保健系統提供免費醫療保健,意大利喺醫療保健方面嘅津貼少於其鄰國,可避免住院率喺OECD 國家中意大利亦係最低嘅,有專家講笑話意大利咁健康係因為醫生過剩,哈哈。

名列前茅嘅好多健康國家當中,跟意大利人生活文化幾似o架,都係多食新鮮蔬果及選用特級初榨橄欖油,新鮮嘅魚類、瘦肉,有機嘅農產品如蔬菜、水果等,健康跟食材有莫大關係嘅地中海飲食習慣類同。據美國疾病控制中心嘅數據顯示,美國境內最貧窮嘅幾個州,包括路易斯安那州、密西西比州、阿拉巴馬州及西維吉尼亞州,肥胖比率佔總人口屬高水平,整體健康水準排全球排第34位,雖然美國係經濟強國,卻仍被肥胖呢個問題困擾。

近年不少名牌響應健康潮流,已禁止用十六歲以下及 過瘦模特兒。

法國向以潮流品味見稱全球,但部分模特兒為咗保持體態輕盈,寧願捱餓、營養失調,甚至因而患上厭食症,時尚界早年偏向採用過瘦或超年輕嘅模特拍廣告或出席時裝活動,近呢幾年愈嚟愈多時尚品牌開始身體力行,採用小眾、大碼、及非專業模特為旗下品牌拍攝形象廣告、年曆等市場營銷推廣項目,試圖打破種族及性別歧視,改變及提倡唔同嘅體態美。法國議會更提醒時裝品牌要對女模嘅體重設下限,防止過分美化骨瘦如柴,希望改善業內嚴重嘅厭食症等問題。與此同時,意大利、西班牙及以色列等國家,亦立法禁止身體質量指數(BMI)低於18嘅模特出席商演。

丹麥時尚業界:如知名模特經紀公司、模特工會、丹麥時裝學院(Danish Fashion Institute)、哥本哈根時裝周(Copenhagen Fashion Week)、丹麥抗飲食失調與自殘協會等機構,年前響應瘦唔一定係美,紛紛加入針對模特飲食失調嘅健康檢查計劃,規定十六歲模特要進行體檢,以確保身體同心理都處於健康狀態參與商演。到目前丹麥已有超過三百間與時尚產業相關嘅企業,同意遵守,及執行並推動針對模特身心健康嘅實驗計劃。

媒體最近報道路易威登(LVMH)及開雲(Kering Group),擁多個時尚品牌嘅集團,喺未來只會用適合穿法國34號以上尺碼嘅女模,及44號以上尺碼嘅男模,其他時尚品牌如聖羅蘭(Saint Laurent)、古馳(Gucci)、克里斯汀迪奧(Christian Dior)等,承諾禁止旗下品牌僱用十六歲以下少女拍攝成人照片,或者出現喺品牌廣告版面,更答應遵守「確保模特兒健康」嘅規定,禁止過瘦模特兒出席商演或上台行騷。老實講,我深信年紀愈大同肥胖係關連交易,唔需要披露都知會衍生一連串健康嘅問題,我亦覺得過瘦其實唔係咁襟睇,健康先係時下嘅新秀麗。