為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2017 年 09 月 13 日

陳山聰吻賀Boe姐

人稱「富豪紅娘」嘅Boe姐,向來識得唔少靚女,日前佢喺五星級酒店設宴擺咗三圍慶祝生日,一一年嘅亞姐亞軍王嘉敏同女藝人程芷渝,都有盛裝到賀。

當晚,全場高潮位喺中段出現,近期無綫熱播嘅《同盟》,喺劇中打到七彩嘅陳山聰,突然現身會場。原來,佢專誠嚟同Boe姐祝壽,令到場內嘅賓客不知幾咁興奮。

東姑現場所見,陳山聰都好識做,不單止豪氣飲杯,又陪同Boe姐許願及切餅,仲做埋抽獎嘉賓添。陳山聰喺台上自爆︰「我都識咗Boe姐十幾年,祝佢生日快樂!」由於佢留得半粒鐘,所以好多賓客都唔執輸,當佢係布景板咁,拎住手機影唔停。

準備切生日蛋糕前,陳山聰(右)咀嘴Boe姐,壽星婆冧爆。

 

以神秘嘉賓現身嘅陳山聰,令場內嘅賓客, 驚喜十足。