為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2017 年 08 月 13 日

李慧玲烽煙後愁爆

時事名嘴李慧玲,喺鄭經翰鄭大班嘅網上電台D100開咪,日日主持「phone-in」節目時詞鋒銳利,唔少嘉賓、聽眾畀佢窒到一「棟」都冇,有時又鬧下啲官,拗下啲政治議題,個勢不知幾強橫。

不過,嗰日東姑搭港鐵時撞見佢,計番時間佢應該啱啱主持完節目,唔知點解成個人好似「謝」晒咁,全程頭耷耷冇咩心機,只睇住個電話,兩條眉皺埋一「炷」,好似好多嘢煩咁。可能因為「烽煙」節目鬧人鬧得多太勞氣,佢啲energy都喺節目度透支晒,所以先會開咪時一個樣,收工後又另一個樣喇!

每逢開咪及出席活動,佢就打醒十二分精神,狀態十足。

 

李慧玲頭耷耷睇住個電話,兩條眉仲皺埋一「炷」,個樣愁爆。

 

睇佢個樣冇乜心機,坐坐下仲將頭挨晒落塊玻璃度。