為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2017 年 08 月 13 日

新政府打公關戰 傳媒人搶手

傳媒行業近排吹淡風,裁員四起。不過財政司司長陳茂波就對資深傳媒人情有獨鍾,近日聘請項目經理及項目主任,呢兩份筍工都要求應徵者有傳媒或公共事務經驗,前者要十二年經驗,頂薪高達七萬三千元,拍得上部分報館管理層嘅人工;後者則要五年經驗,最少三萬八千元人工。

兩個職位都係專責幫波叔做資料搜集、撰稿、寫網誌,同埋管理波叔快將開通嘅社交平台Facebook。前新聞統籌專員何安達就話,兩個位嘅人工唔算天價,「o依家喺出面搵人寫份十分鐘嘅英文講稿,都收兩萬蚊一篇,長遠請個專人寫稿,可能仲抵。」佢又話,做財爺「文膽」唔止文筆要好,仲要熟悉財金知識,最緊要係夾到老細口味,都唔易請。

唔止波叔鍾情傳媒人,據聞特首林鄭月娥今屆想打「公關戰」,有意搵更多傳媒人入閣,希望為政策爭取輿論及民意支持,所以做過無綫主播嘅吳璟同蘇敬恆,成為下一批政助熱門人選不無道理。

陳茂波開出兩個筍工,都要求應徵者要有傳媒經驗,可見傳媒人喺政府內吃香程度高。