為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2017 年 07 月 16 日

楊明唱K晒恩愛

月前,楊明拍攝劇集《抱佣情人》時,就被發現同有樣有身材、演開妹仔角色嘅郭千瑜,態度親暱,繼而傳出楊明暗溝對方添。當時女友莊思明就話,絕對信任男友肯定冇越軌舉動同思想喎。不過,東姑八到,楊明o依家無論去邊都會同女友報告行蹤,令佢開心又放心。

其實,呢對小情侶拍咗拖一年幾,感情已經相當穩定,兩個仲不時喺社交網「放閃」晒恩愛,更加係行到邊咀到邊嗰隻,真係煙韌到暈!最近,東姑親眼目擊到呢一幕。

日前,楊明拍完新劇,於是同女友飛去馬來西亞度下假,唔好以為佢哋揀去亞熱帶地區,就一定係去海灘同陽光玩遊戲。對於鍾意夜夜笙歌嘅楊明嚟講,晚黑去唱下K、飲下酒,先至係最合河車。現場所見,莊思明單獨唱歌時,楊明就會食煙、猜枚自娛;當鏡頭一轉,佢兩個合唱嗰陣,首歌一有停頓位,楊明就要咀嘴,肉麻到東姑真係冇眼睇!

揸住支珍寶珠嘅莊思明,唱歌唱得好肉緊,七情上面,非常有感情。

 

女友唱歌,楊明就喺後面食煙、飲酒、猜枚,自得其樂。

 

輪到佢哋合唱,楊明就拖住女友隻手,仲要係十指緊扣嗰隻。

 

唱歌期間,楊明突然含情脈脈望住女友,再一啖咀埋去,sweet爆!