為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2017 年 04 月 21 日

曾志偉醉街父子

上星期舉行嘅「金像獎」頒獎禮,曾志偉憑電影《一念無明》贏得「最佳男配角」;不過,好爸爸講明想個仔曾國祥攞獎,多過自己攞,可惜囝囝執導嘅《七月與安生》提名「最佳導演」等等多個獎項都落空,淨係獲得「最佳原創電影音樂」。

嗰晚,「最佳男配角」志偉連走幾場慶功宴,咁開心就梗係飲多幾杯,而曾國祥雖然自己冇獎攞,但一樣好戥老竇高興,去到凌晨兩三點,東姑就見兩仔爺已經飲到「啤啤夫」咁,醉到互相扶住由一班人護送離開party。見到曾國祥腳步浮浮,撐住都要送咗老竇上車先,其實,志偉嗰晚都飲咗好多,不過唔使打橫畀人抬住走,未至於醉到不醒人事,已經叫相當有節制喇!

而送走咗老竇嘅曾國祥,睇嚟心情仲未亢奮完,後嚟由廿四孝女友王敏奕扶住,返入慶功party再飲過。又係嘅,始終曾國祥後生遙遙,飲可以飲得盡情過老竇,至於攞獎,來日方長可以遲啲先攞,呢晚不如都係不醉無歸咗先啦!

志偉兩仔爺喺慶功宴度都飲到「啤啤夫」,一時攬頭攬頸,一時繞住手,互相扶住對方走。

 

雖然曾國祥本身都飲大咗腳步浮浮,但點都堅持送走老竇上車先。

 

曾國祥酒後心情亢奮,拖住女友王敏奕返入party時,仲邊行邊手舞足蹈。