為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2017 年 04 月 21 日

暴力趕客激民憤 名人怒剪聯航卡

美國聯合航空用粗暴方式拖乘客落機轟動全球,觸發大規模的抵制潮。繼立法會議員莫乃光喺網上播片,怒剪聯航會員卡「呃like」後,民建聯立法會議員蔣麗芸嘅老公兼科技大學工程系客座教授梁海明,都喺Facebook上載自己剪爛聯合航空會員卡嘅短片,佢話:「美國自稱係一個講民主、人權嘅地方,居然可以發生呢種事,人權去咗邊呢?」

原來梁海明好耐之前係聯航嘅「鐵粉」,當年留學加拿大開始搭。佢坦言,對聯航嘅印象認真麻麻,「空姐對乘客出晒名無禮貌,經常大聲呼喝乘客。」當年入會係為儲飛行里數,點知得個桔。「每次想兌換機票佢就話無位,印象中未成功換過一張機票。」

另外,立法會主席梁君彥上周聯同九位議員,接待美國議會訪港團,蔣麗芸會上向對方提出關注事件,仲轉達咗港人嘅憂慮,「對方只係話,返到美國後會跟進。」

聯航拖客落機引起全球公憤,香港亦有唔少名人發起行動杯葛呢間公司。

 

梁海明及莫乃光相繼剪掉聯航嘅會員卡,表示唔會再搭呢間公司嘅航機。