為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2017 年 03 月 19 日

鄭欣宜新一代烏蘇拉

鄭少秋(秋官)個女鄭欣宜,唔經唔覺就嚟三張嘢,由於遺傳咗媽媽沈殿霞(肥姐)胖嘟嘟嘅基因,加上細個時肥姐又狂餵好嘢佢食,佢十五歲時已經有二百三磅;直到十六歲嗰年,佢做咗瘦身代言人,減到變百三磅,曾經都係索女一名。不過,自從三年前,佢簽咗畀蕭定一後,公司冇畀壓力下,佢又反彈到二百磅,結果舊年,就有傳佢身體出現麻痹,連老竇秋官都叫佢減肥。

之但係,父母嘅說話,好多時都係左耳入,右耳出。日前,東姑到中環睇「第二屆Savouring Art及藝術展覽」,就撞正欣宜同馬天佑做宣傳。期間,欣宜踎低幫自己幅肖像畫填色時,就肥到連件上衫都快爆鈕,背面望落更加成個烏蘇拉咁款,睇嚟可以取代魯芬BB做新一代「真人版烏蘇拉」呀!

當日着到青BB嘅欣宜,一踎低,水泡腰、豪華臀即時無所遁形,連身上件衫都幾乎就嚟撐爆鈕,背影更加似足卡通人物烏蘇拉。

 

之後,欣宜又烏身幫盛智文幅肖像,油番紅條脷,側面望發現佢完全遺傳咗肥姐嘅基因。