為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2017 年 01 月 12 日

曹永廉X蕭正楠睥出愛火花

多得女友黃翠如(翠如BB)好帶挈,蕭正楠升呢變「億萬準女婿」後,工作冇停過,現時有三劇在手,包括《翻生武林》、《超時空男臣》及即將開拍嘅《深宮計》。o依家忙緊趕拍《超》劇嘅佢,日前就同曹永廉、何廣沛到旺角拍外景,戲中三人飾演明朝臣子,穿越時空到現代搵太子妃王君馨。

早前,蕭正楠與曹永廉被田蕊妮踢爆,話兩人拍劇期間,經常孖公仔去廁所;而當日佢哋亦十足黐頭芒,鏡頭後不斷打牙骹。到正式埋位時,蕭正楠竟然連珠炮發責罵曹永廉,於是何廣沛上前勸交,又一度捉實蕭曹雙手講和。點知,曹永廉失驚無神,反擒何廣沛嘅手錫咗一啖,嘩,hehe味甚濃!唔單止東姑,連蕭正楠都睇到一臉驚嚇!

事後,曹永廉直認獻吻,「玩之嘛,冇feelo架。」東姑提到蕭同曹一齊去廁所事件,蕭正楠就笑話:「係呀,佢年紀大喇,個人虛,要扶住佢,佢先屙到。」曹永廉即還擊:「佢應該某方面興趣都好大。」東姑都替曹太同翠如BB滴汗呀!

呢場戲講,蕭正楠與曹永廉開火前,先嚟一招怒目互睥。

 

嘈到咁上下,蕭正楠激動得雙手抽起曹永廉嘅衫領。

 

點知,曹永廉忽然擒住何廣沛嘅手,咀咗一啖(箭嘴),搞到蕭正楠都冇眼睇。

 

三人喺劇中,由古代穿越到現代,所以就連髮型都係老土嘅冬菇頭。