為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2017 年 01 月 12 日

長毛「跑馬仔」 泛民選委矛盾加深

特首「跑馬仔」戰況升溫,「大冷馬」立法會議員「長毛」梁國雄突然透露,有意落場跑埋一份,令一眾想「造王」嘅泛民陣腳大亂。

政界消息人士透露,「長毛」今次話選特首,唔係一時意氣「玩玩吓」,而是認真咁諗緊。但佢唔志在當選,而係為狙擊部分特首候選人搞局,「佢想逼其他候選人作出競選承諾,例如落實普選時間表,唔畀佢哋迴避泛民嘅訴求。」消息人士說。

o依家泛民選委手執三百幾票,「長毛」要攞一百五十張提名票,理論上不難,但佢如果參選就被翻舊帳,事關十年前公民黨梁家傑參加特首選舉,當時佢狠批梁家傑玩「小圈子」選舉,係「民主罪人」,如今佢出選就等同自摑嘴巴。

「長毛」突然參選亦令泛民矛盾白熱化,如果財爺曾俊華去馬,泛民內部有部分人支持「造王」。佢哋想推舉較o岩泛民嘴形嘅建制派候選人,有利泛民喺新政府攞利益。但以激進泛民為主嘅選委就有政治潔癖,寧投白票都唔想推舉建制人士成王,如今「長毛」有意參選就成為佢哋杯茶,「話晒長毛都同聲同氣,就算明知投佢係浪費選票,無可能令佢當選,但最少唔會違背政治理念。」據知,如果曾俊華唔選,「長毛」都可能唔會選,或會搵較有牙力嘅泛民候選人出戰,宣揚泛民政治理念。

此外,港大法律系副教授戴耀廷再叉隻腳,建議民間公投選特首,邊個候選人攞到逾三萬七千名市民支持,就可以攞到泛民提名,令泛民選委失去自主權,聽聞部分泛民選委大潑冷水。

泛民選委莫乃光接受本刊訪問時,對派泛民人士出選有保留。佢話選民係想選委可以左右大局,將泛民意見納入佢哋心水候選人嘅政綱內。對於民間公投或公民推薦等,佢認為都應該諗吓當選成數。

莫乃光擔心,若泛民o依家表明派人出選,中央好可能只派一個建制人士出選,造成建制、泛民「一對一」局面,「好似十年前曾蔭權對梁家傑,最後很多民間嘅選舉活動,曾蔭權唔出席,咁就無意思。」但他補充,假如最後建制只派一人,泛民都不得不派人參選。

泛民雖然手執逾三百張特首選票,但對投畀邊個候選人,至今未有共識。

 

「長毛」梁國雄突然表示有意參加特首選舉,打亂泛民嘅部署。

 

「長毛」曾狠批梁家傑(前右)參選特首係「民主罪人」,