為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 親子天地  > 母心肝 2011 年 08 月 20 日

歌手可嵐 育兒經濟學

○八年加入樂壇的可嵐,沒有野心,沒有成為「最受歡迎女歌手」的夢,只單純想用歌曲感動聽眾,傳揚愛的訊息。

今年三月,二十五歲的可嵐初為人母,更感受到愛的偉大,希望有日能推出福音碟,透過音樂分享跟愛兒尤俊(Eugene)的愛。為了做個好媽媽,可嵐不斷上網、聽講座,又未雨綢繆,為剛出世的兒子搜尋升學資訊,更學做playgroup老師,親身運用益智教材跟兒子在家中上堂,「一嚟可以經濟啲,二嚟又多咗時間同小朋友溝通,增進親子關係。」

可嵐表示,兒子剛出世後兩個星期,經常扭計狂喊,凡此種種竟然令她頓悟到母愛的偉大,並希望未來可以將這種愛透過音樂分享出來。

可嵐於○八年簽約恆藝亞洲加入樂壇,並於同年九月舉行處女EP《女生不哭》的發布會。

體驗與分享

去年九月,可嵐下嫁拍拖三年、從事日本餐廳生意的尤子威,並於今年三月誕下七磅二兒子尤俊(Eugene)。二十五歲便當上媽媽,可嵐花上不少心機照顧兒子,從中體驗到無窮無盡的愛,「BB出咗世返到屋企之後成日都喊,頭嗰兩個星期真係湊得好辛苦,已經換晒片餵完奶掃晒風,但係都不停喺度喊,自己又冇覺好瞓,有時真係好無助。不過,當我知道BB只可以用喊去表達自己嘅時候,就明白到原來每個人成長背後都一定經歷好多嘅愛,因為如果冇人咁樣照顧你,你就生存唔到,人唔同動物,唔會一出世就識得自己搵食。」

沒錯,Eugene又名「大隻仔」,食量驚人,兩個多月時每餐喝180ml奶,一日七餐,難怪可嵐佗着他時增磅六十磅,還因懷孕後期,肚太大要催生,「痛咗四個半鐘,但係只用咗半個鐘生佢出嚟,嗰種感覺好難忘,之後姑娘將BB擺喺我心口,我望住佢,點解一啲都唔似我嘅?似足我老公o架。」

今年三月,懷孕中的可嵐,因為肚子過大,所以需要入院催生。不過,只用了半個鐘頭便生了Eugene出來,過程難忘。

面對自己與丈夫的結晶品,每一個時刻對於可嵐來說,都是感動難忘的,BB第一個笑容、第一次想站起來、第一次把手中的兒子跣入浴盆內,諸如種種,可嵐均會寫下筆記留作回憶。經過一些體驗後,可嵐從錯誤中學習,更希望有日成為blogger,在網上向其他孕婦分享一些湊仔心得,「好多就嚟做爸爸媽媽嘅人,會買定好多嘢畀BB,但永遠啲嘢都係用唔晒嘅。我想喺blog度為大家分析吓有啲咩嘢要買,有啲咩嘢可以唔使買,等啲人可以做一個精明嘅消費者。我最初唔識得點餵奶、點照顧BB,而且好多育嬰堂又成日冇位,所以我諗可以拍啲片擺上blog同大家分享,幫到人之餘,又可以同其他媽咪分享以及小朋友相處嘅經驗。」

今年六月,可嵐於泳池畔為兒子舉行百日宴,順道進行親子嬉水活動,因此,盛會又名「Baby Eugene的百日夏水禮」。