*

為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
文章 | 圖片 :
主頁 > 親子天地 > 資優教室 > 家書繫親情 屈穎妍
家書繫親情 屈穎妍

「個底打得好,個女踏入青春期都唔使點擔心喇!」資深傳媒人兼專欄作家屈穎妍說。

「底」,所指的是過往與女兒相處、溝通的時間。屈穎妍只是用了紙張,以及寥寥數字,便培養出三位千金以書信形式跟父母溝通的習慣,她說:「有時我出咗去做嘢,佢哋會將當時發生嘅事或者心情,即時寫低或者畫低,攝喺鞋櫃度,等我返嚟可以見到;有時佢哋激嬲咗我,都會用呢種方法同我道歉。呢堆『家書』,我全部都儲起晒。」由心而發的一字一句,化解了憤怒、失望與懷疑,拉近了一家五口的關係。

育有三女的資深傳媒人屈穎妍,逢周日晚上十時至十二時,會於港台主持《我們不是怪獸》,希望教育家長如何教養孩子。

踏出第一步

屈穎妍與丈夫林超榮(超人)育有三名千金,分別是十二歲的林起瑩、十歲的林起晴及九歲的林起菲,三女盡得父母優良的基因,喜歡寫作及閱讀,更因母親的窩心小便條,由細到大均習慣以書信或畫作形式表達心聲,「佢哋好細個嗰陣,我已經會寫紙仔畀佢哋,可能係提佢哋記得食提子呀,或者話畀佢哋知放學我會嚟接佢哋。其實內容冇乜特別,但係佢哋都將我嘅信仔全部儲起,久而久之,佢哋都習慣咗用呢種方式同我傾偈。」屈穎妍帶着溫婉的聲線,訴說着跟女兒的溫馨片段。

兩年前,屈穎妍一家五口帶着愛犬到城門水塘行山,同行還有著名電影劇照攝影師木星,因時際會,於是為他們拍下這張聲稱有「東邪西毒Feel」的全家福。

現在,即使屈穎妍因工作關係,在外未能即時接聽女兒的電話,她們總是會將當時的心情及發生的事情,用紙筆記下來,讓母親回家後可一目了然,「有時佢哋激嬲咗我,都會寫『家書』去同我道歉,講番自己嘅感受,等我哋可以互相了解,一家人嘅關係真係融洽咗好多。雖然好多時候,佢哋都係用廣東話嚟寫,但至少佢哋肯寫,肯將心底說話表達出嚟。」

父母養育兒女,除了需要付出時間與心機外,也少不了要以身作則;由於屈穎妍與丈夫均是愛書之人,三位女兒自小便在書叢中長大,也養成了閱讀的習慣,「我覺得小朋友鍾意睇書都要講基因,其次係要營造一個閱讀嘅環境畀佢哋,當然,家長想小朋友有呢個嗜好,都要先行出一步,自己都要睇埋一份,而唔係不斷咁話:『睇書好呀』,但自己就喺度睇電視或者打麻雀!」

屈穎妍的三位千金分別是十二歲的林起瑩(左)、十歲的林起晴(右)及九歲的林起菲(中)。

寵物醫健
全城最強 猛鬼放題
2014年o靚模寫真大晒冷
金靈芝<sup>®</sup>《戰逆豪情》巨型海報20張《魔角》換票證60張《殺神John Wick》換票證60張