*

為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
文章 | 圖片 :
主頁 > 時事 > 政官莊 > 龍年司局長大換班 龍哥唔留底
龍年司局長大換班 龍哥唔留底

龍年係換屆之年,歐美大國同兩岸領導層都重新洗牌,香港亦唔例外,官場老友逐個司局長睇,話過半數將功成身退,邊個會接棒,將成為未來幾個月政圈熱門話題。

老友話,個名有個「龍」字嘅律政司揸弗人黃仁龍,會在龍年步出官門,回復私人執業(佢以前係資深大狀),最大意願係做法官。

龍哥○五年出掌律政司後,瞓晒身做好份工,任內要拆嘅「炸彈」唔少,表現相當唔錯,但呢個job已孭咗六年幾,佢覺得係時候轉吓,所以幾個月前向友好表示去意,話自己已決定唔再留低。睇嚟佢今次態度堅定,就算有人誠意挽留,都好難傾得佢掂。

現任司局長中,逾半將會步出官門,律政司司長黃仁龍私下表示去意已決,唔會留低。保安局局長李少光(右)亦表明引退,享受退休生活。

聽官場老友講,龍哥私下提過,三個仔女已漸長大,希望多啲時間同佢哋溝通,但做司長工作時間長,禮拜六日都要做嘢,如果轉番出嚟,情況可能好啲,佢萌去意亦與此有關。

龍哥個接班人,要阿爺同特區政府高度信任,又要在法律界有江湖地位,人選數埋得幾丁,近期被視為熱門之一係資深大狀翟紹唐。佢○二年同龍哥一齊「升仙」(晉級Senior Counsel),當時係最年輕嘅資深大律師,近年佢先後擔任警監會主席及最低工資委員會主席等公職,睇嚟有意入官場。

至於其他局長,教育局局長孫公身體唔好,捱義氣做埋呢幾個月已唔話得,夠鐘一定「退伍」;保安局局長李少光早就同朋友講任滿唔會再做,享受吓退休清閒生活,呢個意向至今無變,留低機會接近零;政府內大家姐級人物俞宗怡,亦同人講話今次真係要退休囉,自己已算完成歷史任務,係時間交棒啦。

孫公捱義氣帶病頂到尾,已好唔話得,任滿一定「退伍」。

官場老友估計,由政圈轉入官場做局長嘅曾德成同蘇錦樑,都好可能唔再做官,曾大哥呢幾年掌民政事務局可謂費盡心力,頂咗咁耐都應該搵人接吓班;蘇兄亦會轉吓崗位,做番黨務同律師樓工作。

小弟月前已講過林鄭同鄭汝樺都無意留低,最近林鄭終向傳媒公開表白去意。據小弟了解,林鄭意興闌珊嘅真正原因,係做嘢太勇太執着,有時單人匹馬殺入「敵陣」,違反咗團隊精神,自己覺得孤軍作戰好委屈,其他人就同佢愈嚟愈唔夾,結果連煲呔都頂佢唔順,佢亦知自己好難做落去。

至於Eva(鄭之洋名),曾經講過想離開熱廚房,做義工搞吓公益事業,但佢衝鋒陷陣多年,工作癮仍未甩,如果新特首誠意留佢,佢未必唔答應。

講完走嘅,講吓邊個會留。據官場老友觀察,周一嶽、陳家強、邱騰華、譚志源、梁卓偉都有意繼續,佢哋仍然戰意十足,部分亦屬當打之年,絕對可以再戰幾年,但佢哋留唔留由新特首決定,並非自己想做就得。

「退伍軍人」嘅位,幾個副局長都有條件頂上,如黎棟國、陳維安等,不過一切都言之過早,要等特首跑馬仔有結果後至會考慮。

2014年o靚模寫真大晒冷
全城最強 猛鬼放題
星級口才訓練班 10名學額《猿人爭霸戰:猩凶崛起》海報20張《分手100次》換票證60張《戰神:海格力斯》換票證60張位元堂養生軟果 - 柑桔28粒裝禮盒兩盒