*

為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
文章 | 圖片 :
主頁 > 專欄 > Paco巨星飯堂 > 高效能嚴師
Paco巨星飯堂
黃栢高
黃栢高(Paco),金牌經理人,叱吒樂壇三十年,炮製無數金曲,捧紅不少歌手。近年涉足電影,《行運超人》、《龍咁威》、《殺破狼》等,皆叫好叫座。最新動作,除於本刊主持《Paco巨星飯堂》,每逢周一更在《頭條日報》主持「名人會」專欄,專訪城中名人、紅星。
高效能嚴師

名導演嚴浩近年著有《嚴浩特選秘方集》,以「偏方不自秘,療效齊分享」為宗旨,與讀者交流健康秘方,極受香港人歡迎。導演即將同譚凱琪(Zoie)合作主持「有線」節目《食德好.嚴浩偏方》,繼續為香港人提供保健貼士。今晚我誠邀導演同Zoie,去到位於佐敦嘅「佐敦大排坊」,同大家分享保健秘方之外,亦介紹一下呢一間隱世美食店。

今晚我同導演(右)、Zoie呢一對《食德好.嚴浩偏方》嘅拍檔,細談保健心得。

「布緯」治百病

我同導演一碰面,佢即以:「飲酒係我嘅生活。」打招呼,哈哈哈!咁我就先同導演乾杯!乾!

話雖如此,導演近年以養生、保健方法撰寫專欄,仲推出著作。「現代人太過幸福,但太幸福都會出毛病,呢個毛病就係懶。懶到連自己健康都完全徹底地交託喺醫生手中,如果係意識到生活方式對健康嘅重要,就係將健康掌握喺自己手上面開始。」

哈哈哈!導演2012年初就力推布緯食療(The Budwig Diet),成為坊間新興食療,「呢個並非新興起嘅自然療法,係由知名德國生物化學家Dr. Johanna Budwig喺50年前研究出嚟,可令癌症容易治癒嘅食療。

我同導演酒逢好酒腳,淺嘗暢談一樂也!

Zoie有親自試用「布緯食療」,佢話:「食咗一個月,皮膚比之前好,而且人亦都精神咗。」

「食療係服用以有機冷壓初榨亞麻籽油(Organic Cold-pressed Extra Virgin Flaxseed Oil)混合有機原味低脂茅屋芝士(Organic Low-fat Cottage Cheese),可以有效改善細胞組織,預防同治療好多同免疫系統有關嘅慢性疾病,尤其是癌症。」

導演話,現時因為食療大熱,唔少人買唔到相關材料。「其實可以上網,去香港心腦保健會訂購(hkeecphc.blogspot.hk)。」

我話餐廳係隱世美食店,全因廚師班底為昔日「新兜記」人才,呢味米通石斑塊($108),盡顯功架。

即燒乳豬($168例牌/$638一隻),皮脆肉嫩。

辣酒煮花螺($128)辣味並冇掩蓋螺鮮,一流!

保健兩貼士

「布緯食療」外,導演即席教「Paco巨星飯堂」嘅捧場客,穩定血壓同令頭髮再生嘅自然方法。

「血壓高嘅患者,可以喺得閒嘅時候搓手(見左圖),因為手掌上嘅反射區多,搓手產生熱力,刺激身體、穩定血壓,但要持之以恒。

搓手係無時無刻都可以做到嘅保健方法。

Zoie表示,同導演合作主持節目,獲益良多。

「至於生髮,可以每日用肉桂粉、蜜糖同橄欖油混合,肉桂粉可落多少少,然後按喺頭皮上,刺激毛囊,等20至30分鐘之後清洗。大概個零月,頭髮就開始生長。」

除咗兩個簡單實用嘅方法,導演講咗3大飲食之道:「1、紅肉要少食,包括豬、牛、羊肉等。結腸癌同飲食有密切關係,每天食用熱狗和豬、牛、羊肉以及肉製品的人,患結腸癌的概率高於一般人。2、唔好過量飲酒。過量飲酒會增加患乳腺癌、結腸癌、食道癌、口腔癌同咽喉癌嘅危險。3、脂肪含量高嘅食品要少食。高脂肪食物唔單止令人容易患心腦血管疾病,亦都會容易患癌。」

導演話以肉桂粉、蜜糖同橄欖油嘅混合品可刺激毛囊,仲示範按頭皮方法。

薑葱四頭南非鮑魚(時價),極為鮮甜。

呢道豉油皇煎花竹蝦(時價),蝦鮮皮香脆,水準之作!

避風塘炒澳洲大肉蟹(時價),惹味鮮味共冶一爐。

古法通血管

導演嘅錦囊停不了,仲有一個古方通血管食療:「呢個通血管古方,係來自一位患者,佢有3條心血管已經嚴重堵塞,需要做搭橋手術,手術嘅時間係一個月之後。喺呢個期間,佢食咗一個月呢個古方。一個月以後佢去同一家醫院做檢查,發現3條血管乾乾淨淨,原來塞嘅地方已經全都通晒。」(詳見下表)

今晚有導演提供各式保健方法,臨走前佢再醒多大家一招:「好似今晚咁,食得咁豐富,最好喺飯後,用半個檸檬,榨汁混合45。以下嘅暖水,飲落肚,檸檬就開始做嘢!」

哈哈哈!導演今晚畀咗咁多保健貼士我,我以酒會友啦!乾!

《食德好.嚴浩偏方》將會喺今個星期日(6日)晚上7點播出,仲想向導演學嘢,就要準時睇嘞!

蝦子扒柚皮($88)係一道古法菜式,考驗大廚功夫。

豉椒炒紐西蘭蟶子皇(時價),夠晒新鮮!

通血管食療

材料:同份量的檸檬汁、薑汁、蒜頭汁、蘋果醋各一杯(250cc),蜜糖適量。

做法:

1. 蒜頭去皮,薑去皮切小片,放入榨汁機榨汁,或者放入攪拌器打成漿,用網布隔渣,手絞出汁。

2. 將蒜頭、薑汁放入瓦煲,加入檸檬汁與蘋果醋,大火滾,小火慢煮,不要蓋鍋蓋,讓水分蒸發,大約需要半小時,剩下大約一半汁液。

3. 溫度降下後,加入蜜糖,仔細攪勻,蜜糖可能需要很多,主要是令汁液容易入口。

4. 將成品儲在有蓋的玻璃瓶中,放入雪櫃。每天早飯前空肚服用一湯匙。


佐敦大排坊
地址:佐敦佐敦道28號佐敦廣場3樓
電話:2466 5577

討論載入中……
2014年周漢明生肖運程預測
林炳南馬年生肖大預測李丞責2014年生肖大預測麥玲玲2014年生肖大預測
全城最強 猛鬼放題
《蜘蛛俠2:決戰電魔》優先場戲票60張《吸血學院》換票證60張《吸血學院》海報20張《黃金海岸 遊艇展2014》VIP入場券50張